Diogelwch ar-lein
Os oes angen i chi guddio’r hyn rydych chi’n ei wneud ar y wefan hon, neu amddiffyn eich hun rhag rhywun, gall fod yn fwy diogel i chi beidio â defnyddio’ch cyfrifiadur cartref na’ch ffôn symudol eich hun.
Er enghraifft, defnyddiwch gyfrifiadur yn y llyfrgell, neu ceisiwch fenthyg ffôn gan rywun rydych chi’n ymddiried ynddo.
Beth mae’r wefan hon yn ei gadw i’ch dyfais
Pan fyddwch yn defnyddio’r wefan hon, a phob tro y byddwch yn defnyddio’r rhyngrwyd, mae eich dyfais yn cadw cofnod o’r canlynol:
- y tudalennau rydych chi wedi edrych arnyn nhw a’r ffeiliau rydych chi wedi’u lawrlwytho – eich ‘hanes pori’ yw’r enw ar hyn
- ffeiliau bach o’r enw ‘cwcis’
Sut i ddileu cwcis a’ch hanes pori
Byddwch yn ofalus oherwydd:
- bydd dileu cwcis hefyd yn dileu cyfrineiriau sydd wedi’u storio ar gyfer cyfrifon ar-lein
- gallai clirio eich hanes wneud rhywun yn fwy amheus
Ceisiwch ddileu gwybodaeth am y gwefannau rydych chi am eu cadw’n breifat yn unig.
Gwybodaeth am sut i wneud hynny ar:
Sut mae’r botwm ‘Gadael y dudalen hon’ yn gweithio ar y wefan hon
Mae botwm ‘Gadael y dudalen hon’ ar rai tudalennau. Os cliciwch y botwm hwn, bydd yr holl wybodaeth rydych chi wedi’i nodi yn cael ei dileu. Bydd y wefan hon yn cau.
Byddwch yn mynd i dudalen hafan BBC Weather yn awtomatig: https://www.bbc.co.uk/weather/
Bydd cwcis a hanes pori yn dal i gael eu cadw ar eich dyfais.
Ar unrhyw dudalen lle gwelwch y botwm ‘Gadael y dudalen hon’, bydd pwyso’r fysell ‘Shift’ 3 gwaith yn gweithio yr un ffordd.
I ddod o hyd i’r wefan hon eto, chwiliwch am ‘Gwybodaeth am ddioddefwyr a thystion’.
Sut i ddefnyddio’r wefan hon heb storio cwcis a hanes pori
Defnyddiwch y gosodiadau ‘pori preifat’. Ewch i’r ddewislen ar eich porwr, cliciwch ar ‘Ffeil’ a trowch y canlynol ymlaen:
- Incognito ar Google Chrome
- Private Window ar Safari
- InPrivate ar Internet Explorer
- Private Browsing ar Mozilla Firefox
Ar rhyngrwyd Samsung, rhaid ichi droi Secret mode ymlaen.
Cael cymorth i gadw’n ddiogel ar-lein
Mae yna ffyrdd eraill y gall rhywun eich tracio ar-lein, er enghraifft trwy ddefnyddio rhaglenni ysbïo neu dracio. Gwelwch y wefan Refuge Secure your tech.