Cael cymorth cyn treial
Mae’n naturiol i deimlo’n bryderus neu’n nerfus cyn treial, ond gallwch gael llawer o gymorth ymarferol ac emosiynol gan y Gwasanaeth Tystion. Gallant:
- roi cyngor annibynnol, diduedd a chyfrinachol i chi
- rhoi gwybod i chi am brosesau a chynllun y llys
- trefnu i chi ymweld â’r llys cyn i’r treial ddechrau, fel y byddwch yn gwybod beth i’w ddisgwyl
- darparu unrhyw gymorth ymarferol y bydd arnoch ei angen yn y llys
- eich helpu i ymdopi ag unrhyw orbryder a achosir gan y llys
Ni all y Gwasanaeth Tystion roi cyngor cyfreithiol i chi na thrafod manylion penodol y treial. Ond byddant yno ar gyfer unrhyw gymorth y bydd arnoch ei angen drwy gydol y treial.
I siarad â’r Gwasanaeth Tystion cyn i chi fynd i’r llys, ffoniwch 0300 332 1000 neu llenwch ffurflen atgyfeirio. Dylent gysylltu â chi cyn pen 2 ddiwrnod gwaith. Mae gan y Gwasanaeth Tystion hefyd wirfoddolwyr y gallwch siarad â nhw ar ddiwrnod y treial ym mhob Llys y Goron a llys ynadon yng Nghymru a Lloegr.
Os ydych yn byw yn Llundain ac yn rhoi tystiolaeth mewn llys yn Llundain, gallwch gael cefnogaeth cyn treial gan Wasanaeth Dioddefwyr a Thystion Llundain drwy ffonio 0808 168 9291.
Beth fydd yn digwydd nesaf
Darganfyddwch fwy am baratoi i fynd i’r llys.
Geirfa
Llys y Goron
Mae’r llys hwn fel arfer yn ymdrin â’r troseddau mwyaf difrifol. Gan amlaf mae ganddo reithgor a fydd yn penderfynu a yw’r person sydd dan amheuaeth yn euog, a barnwr a fydd yn penderfynu ynglŷn â’r ddedfryd.
Llys ynadon
Mae’r llys hwn yn gwrando’r rhan fwyaf o achosion troseddol ac eithrio’r rhai mwyaf difrifol. Gwneir penderfyniadau gan farnwr rhanbarth neu 2 neu dri ynad gwirfoddol. Nid oes rheithgor.
Gwasanaeth Tystion
Y bobl yn y llys sy’n rhoi cymorth ymarferol ac emosiynol i dystion.
Gwefan newydd yw hon – bydd eich adborth yn ein helpu i’w gwella.