Eich hawliau yn ystod treial mewn llys

Mae gennych hawl i gael gwybod: 

• amser, dyddiad a lleoliad gwrandawiadau llys 
• canlyniad gwrandawiadau llys 

Os gofynnir i chi roi tystiolaeth yn y llys, mae gennych hawl: 

• i gael gwybod beth i’w ddisgwyl yn y llys a pha gymorth y gallai fod arnoch ei angen 
• i gael cyfle i ymweld â’r llys cyn y gwrandawiad
• ar ôl hysbysu’r llys, i fynd i mewn drwy fynedfa wahanol i’r diffynnydd ac i eistedd mewn man aros ar wahân, os oes modd 
• i gyfarfod rhywun o Wasanaeth Erlyn y Goron i holi am broses y llys, os oes modd 

Os caiff y diffynnydd ei ganfod yn euog, mae gennych hawl: 

• i ddarllen eich Datganiad Personol Dioddefwr yn uchel neu i gael rhywun i’w ddarllen yn uchel ar eich rhan yn y llys, os yw’n briodol 
• i gael gwybod pa ddedfryd a roddwyd i’r troseddwr, gan gynnwys eglurhad byr o’r ddedfryd 

Gallwch ddarllen mwy am eich hawliau fel dioddefwr neu dyst i drosedd yn y  Cod Dioddefwyr a Siarter y Tystion.

Mae gennych hawl gyfreithiol mewn achosion llys yng Nghymru i siarad Cymraeg wrth roi tystiolaeth. Bydd y llys yn gwneud y trefniadau angenrheidiol i gael cyfieithydd ar y pryd Cymraeg cymwys a bydd yn talu’r gost. Os bydd angen, bydd y llys hefyd yn sicrhau bod unrhyw gwestiynau a ofynnir i chi yn Saesneg yn cael eu cyfieithu i’r Gymraeg i’ch helpu i roi eich tystiolaeth yn Gymraeg.